Betre samfunn gjennom betre organisasjonar
Vårt utgangspunkt er dette: der finst alltid eit handlingsrom. Difor startar me alltid med å forstå konteksten og det som er gjort frå før, slik at me støttar opp om og forsterkar det arbeidet som alt er i gang. Målet vårt er å byggje utviklingskapasiteten der den skal brukast, slik at me ikkje trengst lenger enn nødvendig. Me startar med det de sjølve kan påverke, i små steg, med synlege resultat undervegs og minst mogleg risiko. Og viktigast: ei varig evne til å gjere det de veit de burde gjere, om til handling.
Kva som blir betre
Meir av tida og pengane går til det som verkar. Mindre går til rapportering, venting og dobbeltarbeid.
Folk får bruke dømmekrafta si og ser at det dei gjer, betyr noko. Det gjer det lettare å bli, og lettare å rekruttere.
Tenestene blir laga saman med dei som brukar dei, og justerte undervegs når de lærer noko nytt.
Fag og einingar løyser saker saman i staden for å sende dei mellom seg. Innbyggjaren slepp å vere bodbringar.
Avgjerder blir tekne nær dei som veit mest. Små steg kjem i gang no, og kan gjerast om om dei ikkje verkar.
For deg som vil etterprøve oss
Effektane kjem ikkje av seg sjølv. Me jobbar alltid i fire område, med trua på folk som utgangspunkt. Her kan du lese kva me byggjer på.
Me deler det me lærer undervegs. Kva som verkar, kva som ikkje gjer det, og kvifor.
Kuttlista i budsjettforslaget er sett opp eining for eining, men rekninga går dit innbyggjaren går.
25. september 2026*Dei fleste kommunar veit godt kva som skal til. Det vanskelege er å gjere det, og det er ikkje noko feil med folka.*
17. september 2026Det som blir normalt i kommunen om ti år, er truleg alt i gang hos nokon i dag. Det avgjerande er om nokon legg merke til det.
Me er Helle Selseng og Joakim Systaddal. Dei siste åra har me jobba med å drive utvikling på tvers i ein kommune, med eit fagleg fundament i Beyond Budgeting, medleiing, designtenking og systemtenking. Me er ein del av eit skandinavisk nettverk av praktikarar som jobbar for meir menneskelege og tilpassingsdyktige organisasjonar, og har kundar og oppdrag i Noreg og Danmark.
Meir om folka