Selseng & Systaddal finst fordi me, Helle og Joakim, har lyst å bidra til at verda vert ein litt betre stad. Me trur at organisasjonane folk jobbar og engasjerer seg i har eit ubrukt potensiale til å bidra til betre samfunn. Eit samfunn av organisasjonar som trur på at eit positivt menneskesyn vil vere eit betre samfunn å leve i. Difor finst me.

Når passar det å jobbe med oss?

Om du kjenner deg att i minst ei av desse beskrivingane vil me kunne vere til nytte:

• Dei som jobbar godt med innovasjon og utvikling, og som er nysgjerrige på korleis dei kan få endå større gevinst
• Dei som har lyst å skape endå betre arbeidsmiljø for å lukkast med rekruttering og bemanning
• Dei som treng å utforske korleis dei kan auke det økonomiske handlingsrommet sitt
• Dei som har innbyggjarar/kundar/brukarar som treng meir samanhengande tenester enn ein tilbyr dei i dag
• Dei som berre er nysgjerrige på kva dei kan lære av organisasjonar som har tatt i bruk nye måtar å jobbe, styre og organisere seg på

Me jobbar alltid på premissane til dei me skal hjelpe, og alltid ut frå verda slik den ser ut for dei. Eit steg om gangen.

Kva gjer me?

Me jobbar med tre ting: Arbeidsprosessar, styringssystem og organisering.

Og heilt spesifikt: Korleis redusere gapet mellom desse tre, slik at dei samsvarar best mogeleg.

Me ser ikkje på oss sjølv som konsulentar. Me skal ikkje lære nokon å bruke ein sertifisert medotikk. Ei heller påføre nokon det eine rette rammeverket for leiing. Eller ein ny teknologi, eller noko nytt som brukar kunstig intelligens. Me heiar på dei som jobbar med alle desse tinga, og vil i dei aller fleste tilfelle kunne bidra til at dei lukkast endå betre.

I botn av ein kvar organisasjon ligg desse tre som føresetnadar for korleis ein i kvardagen jobbar med dei to ingrediensane som er like i alle organisasjonar: system og folk.

Vårt bidrag vil hjelpe dei organisasjonane som ynskjer å gå frå:

• treg toppstyring til høg tillit med stor fart
• budsjettmål og resultatfokus til retning, meining og verdiar
• ei hierarkisk pyramide av folk til eit nettverk av myndiggjorte og samskapande arbeidsfellesskap
• instruerande leiarskap til støttande og fasiliterande leiarskap
• planleggande og forutsjåande til eksperimenterande og tilpassingsdyktig
• reglar og kontroll til friheit og tillit under ansvar
• sentralisert makt til distribuert makt
• lukka prosessar til radikal openheit
• stillingsinstruksar til å dyrke talent, læring og meistring

Dette er ingrediensane som står att når me har henta ut all læring me kan finne frå dei som har lukkast med å skape meir menneskevenlege organisasjonar som lukkast med å levere.

Fordelen med å bevege seg i denne retninga er:

• Betre økonomiske resultat
• Betre kvalitet i det ein skapar
• Folk har meir lyst å jobbe der
• Mindre stress og høgre trivsel på jobb

Om desse punkta ikkje høyrest ut som noko for deg, så er me ikkje ein god match. Om dette derimot høyrest interessant ut, om ikkje meir enn for å høyre meir om kva det går ut på, så håpar me du tek kontakt.

Me trur ikkje på dei som påstår at det skal finnast ei universell løysing som passar for alle. Men om me kan hjelpe organisasjonar som delar vår ambisjon om betre og meir mennskelege organisasjonar å komme i gang med si reise, så er det ingenting me hadde synst var kjekkare. Eit steg om gangen.

Kan me hjelpe?

Dersom dette høyrest interessant ut, så vil me typisk føreslå noko slikt:

1. Me startar med å avklare forventningar, inngang og ambisjonar. De får innsikt i kva me gjer og korleis det kan sjå ut i din organisasjons sin kontekst. Høyrest det for sprøtt ut, eller om ein - uansett grunn - ikkje har lyst å gå vidare, så har ein i verste fall lært om ein veg ein ikkje vil gå.
2. Om du derimot synst dette framleis høyrest interressant ut, så vil me prøve å ta eitt steg saman. Då får alle involverte erfare korleis dette er i praksis, og me løyser eit ekte problem på vegen. Berre det eine steget, ingen langsiktig forplikting. Om det ikkje fungerte, så gir me oss her.
3. Om også dette derimot var godt nok til å gå eit steg vidare, så lagar me eit vegkart for vidare arbeid saman. Dersom steg 2 gav meining og meirsmak, brukar me innsikten frå den økta til å legge opp eit løp for vegen vidare. Vårt mål er å hjelpe til slik at ein får kapasiteten og kunnskapen ein treng for å gjere jobben sjølv, slik at me ikkje lenger trengst.

Slik vil ein kunne prøve ut noko nytt, komme raskt til handling og minimere risikoen frå dag 1. Erfaringa vår er at denne inngangen gir resultat og effekt raskt, og blir noko positivt for dei som står i sine endringsbehov.

Kva me tilbyr

Me tilbyr hjelp til å organisasjonar som ynskjer å bli meir handlingsdyktige utan å miste det menneskelege på vegen. Det gjer me ved å kombinere systemforståing (styring, struktur, roller og ansvar) med praksisnære metodar som gjer at ein faktisk kjem i gang, testar, lærer og justerer i den verkelegheita de står i.

I praksis betyr det å:

• skape felles forståing av kva som eigentleg er problemet (diagnose før behandling)
• rydde i styringslogikk og prioriteringar, slik at det blir mindre støy og meir retning
• spreie ansvar og mynde på ein trygg måte, slik at fleire kan ta gode val utan å vente
• byggje læring, refleksjon og kontinuerleg forbetring inn i kvardagen

Me jobbar tett saman med dei som står i jobben. Kapasiteten må bu der den skal brukast, difor vil me frå dag 1 hjelpe til med å bygge utviklings- og endringskapasitet i den enkelte organisasjonen. Me er ikkje konsulentar som overtek oppgåvene, vårt viktigaste mål er at endringa kan leve vidare når me går ut døra.

Me skreddarsyr løysingar som passar kvar enkelt kunde sin situasjon, og kan levere alt frå korte introduksjonsføredrag til langsikte utviklingsløp. Ta kontakt for å lære meir om kva me tilbyr og korleis me jobbar.

Kva me kan

Me har praktisert og nytta rammeverk for å bygge lærande organisasjonar. Begge har brukt Frances & Frei sitt rammeverk for å bevege seg raskt og fikse ting, som er organisasjonsutvikling med designtenking. I tillegg har me gjennomført masterclass i Beyond Budgeting, og brukt det i praksis saman med verktøyet The Viable Map. Begge er sertifisert i PROSCI endringsleiing og som Immunity to Change Map Facilitators.